Tapað stríð

Sjávarútvegsráðherra virðist alls ekki getað áttað sig á því að við Íslendingar erum fyrir löngu búnir að tapa áróðursstríðinu um hvalveiðar. Þar er alveg sama hvaða rök við setjum fyrir því að mega veiða hvali, að ræða með vitrænum hætti við andstæðinga hvalveiða er líkt og að reyna að rökræða samkynhneigð við Gunnar í Krossinum. Í báðum tilfellum er verið að eiga við aðila sem ekki taka rökum því þeir eru sannfærðir um réttmæti skoðana sinna, hvort sem þær eru fengnar úr Biblíunni eða annars staðar. Hvalveiðar Íslendinga eru eingöngu til þess að valda fyrirtækjum í ferðaþjónustu og útflutningi erfiðleikum. Rekstrarumhverfi ferðaþjónustunnar er þannig að það má ekki við miklum hræringum og það getur skipt máli fyrir einstök fyrirtæki hvort einn eða fleiri ferðamenn hætti við að koma til Íslands. Það verður þó að virða honum Einari Guðfinns til málsbóta að hann hefur þó ekki gefið aftur grænt ljós á stórhvalaveiðar og vonandi dettur honum það aldrei aftur í hug.

Sorgleg ákvörðun um hvalveiðar

Athugasemdir

[Haraldur Pálsson, 19.5.2008 kl. 22:05]

Þannig þú heldur að það sé best að öll sjávarútvegsfyrirtæki fari bara að einbeita sér að því að skutla ferðamönnum útum allt og leifa þeim að sjá hvalina sem borðu allan fiskinn í sjónum rétt áður en þeir drepast sjálir úr fæðuskorti af því að þeir verða orðnir svo margir eftir nokkur ár að þeir hafi ekkert að éta nema það sem við hendum útí til þeirra.
Það væri leiðinlegt að fá síðan ekki lengur fisk í matinn, bretarnir fá þá ekki sitt eftirlæti sem er fish and chips.
Gott að mannkynið á að fara að lifa á ferðamönnum, ertu með hugmynd af eitthverri upskrift til að matreiða þá?